لە ئەرجەنتین بەهۆی لافاوەوە 10 کەس گیانیان لەدەستدا

ئاڤا نیوز

 

بەهۆی بارینی بارانی بە خوڕ، لافاوێکی گەورە شاری باهیابلانکای ئەرجەنتینی گرتووەتەوە، بەوهۆیەشەوە 10 کەس گیانیان لەدەستدا.

 

وێنە گەورەکە: لە شاری باهیابلانکای ئەرجەنتین، کە بە دووری 600 کیلۆمەتر دەکەوێتە باشووری بۆینس ئایرسی پایتەختی ئەرجەنتین، بەهۆی بارانبارینی بەخوڕ و بوونی لافاو لە زۆربەی شەقامەکانی شارەکە لانیکەم 10 کەس گیانیان لەدەستدا.

 

ئەوەی پێویستە بیزانیت: لە ماوەی چەند کاتژمێرێکدا زیاتر لە 260  ملیمەتر بارانباریوە و پردەکان وێران بوون و ڕێگا قیرەکان ڕووخاون.

 

ڕاگیێنراوی فەرمی: دەسەڵاتدارانی باهیا بلانکا لە ئێکسەوە ڕایانگەیاند، "هەموو ئەو سەرچاوانەی کە لەبەردەستدان لەگەڵ تیمەکانی شارەوانی، پارێزگا، هێزی دەریایی و سوپای ئەرجەنتین جێگیر دەکرێن بۆ ئەوەی هاوکاری پێشکەش بکەن". هاوکات لویس کاپوتۆ، وەزیری دارایی ئەرجەنتین  ڕایگەیاند، حکومەت  9.2 ملیۆن دۆلار یارمەتی دارایی بۆ شاری باهیا بلانکا تەرخان کردووە.