بەهۆی نالەباری کەشوهەواوە لە چەند پارێزگایەکی عێراق دەکرێتە پشوو

ئاڤا نیوز

چەند ڕۆژێکە شەپۆلێکی باران بارینی بەخوڕ چەندین پارێزگای عێراقی گرتووەتەوە، بەو هۆیەشەوە چەند پارێزگایەک ڕۆژی یەکشەممەیان وەکو پشووی فەرمی ڕاگەیاند.

چیرۆکی سەرەکی: لە ڕۆژی پێنجشەممەوە شەپۆلێکی باران بارینی زۆر چەندین پارێزگای ناوەڕاست و باشووری عێراقی گرتووەتەوە و چەندین پارێزگا ڕێوشوێنی تایبەتیان گرتووەتەبەر بۆ ڕووبەڕووبوونەوەی هەر حاڵەتیکی نەخوازراو.

زانیاریی بەدەستهاتوو: پارێزگاکانی زیقار، بابل، موسەننا و واست، ڕۆژی یەکشەممەیان کردە پشوو لە دەوامە فەرمییەکان.

هۆکارە زانراوەکان: بەهۆی بارانبارینی بەخوڕ، لافاو لە چەندین شەقام و ناوچەی ئەو پارێزگایانە دروستبووە، ئەم بڕیارانەش وەک ڕێکارێکی خۆپارێزی هات بۆ دڵنیابوون لە سەلامەتی هاووڵاتیان.

ئەوەی پێویستە بیزانیت: لە فەرمانگە خزمەتگوزارییەکان و بانکەکان لەو پارێزگایانە، دەوام ڕاناگیرێت و بەر بڕیاری پشوو ناکەون.