لە هەڵبژاردنی داهاتووی عێراق لەدایکبووانی ساڵی 2007 دەنگ دەدەن

ئاڤا نیوز

 

کۆمیسیۆنی هەڵبژاردنەکانی عێراق دەڵێت، بۆ ئەمساڵ نزیکەی 29 ملیۆن دەنگدەر بەشداریی لە هەڵبژاردنی پەرلەمان دەکەن، لە دایکبووانی ساڵی 2007یش بۆیەکەمجار دەنگ دەدەن.

 

ئەوەی پێویستە بیزانیت: هەرچەندە تائێستا وادەکەی بە فەرمی دیارینەکراوە، بەڵام بڕیارە کۆتایی ئەمساڵ هەڵبژاردنی پەرلەمانی عێراق بەڕێوەبچێت، کۆمیسیۆنیش ئامادەکارییەکانی بۆ پرۆسەکە دەستپێکردووە.

 

لێدوانی فەرمی: جومانە غەلای، وتەبێژی کۆمیسیۆنی هەڵبژاردنەکانی عێراق بە ئاڤا میدیای ڕاگەیاند: تا کۆتایی ساڵی ڕابردوو، 28 ملیۆن و 79 هەزار کەس لە عێراق تۆمارکراون، کە تەمەنیان لە سەرووی 18 ساڵە  و مافی دەنگدانیان لە هەڵبژاردن هەیە.

 

زانیاریی زیاتر: بۆ هەڵبژاردنی داهاتوو نزیکەی ملیۆنێک دەنگدەری دیکەش زیاد دەبێت و ژمارەکە دەگاتە 29 ملیۆن دەنگدەر، بۆیەکەمجاریش ئەمساڵ لە دایکبووانی ساڵی 2007 دەنگ دەدەن.