فایلی خەڵک: ئاڤا بەدواداچوون بۆ کێشەی تاپۆنەکردنی خانوو و کێشەی زەوییە کارتەکان دەکات

ئاڤا نیوز

 

ژمارەیەک لە فەرمانبەر و پێشمەرگەی کەمئەندامی سەنگەر ماوەی چەندین ساڵە زەویان پێدراوە و کردوویانە بە خانوو بەڵام ئێستا گرفتی تاپۆنەکردنی خانووەکانیان بۆ دروستووە. 

 

چیرۆکی سەرەکی: ماوەی چەندین ساڵە ژمارەیەک لەو کەسانەی کە پێشمەرگە و کەمئەندامی سەنگەرن، زەویان پێدراوە و کردوویانە بە خانوو بەڵام خانووەکانیان بۆ تاپۆ ناکرێت، یاخود ئەو کەسانەی کە کارت زەویان وەرگرتووە بەڵام زەوییەکەیان نەماوە و فرۆشتوویانە. 

زانیاریی زیاتر: ئەو کەسانەی کە تووشی ئەو گرفتە بوونەتەوە پێیان گوتراوە، 'دووجار لە وەرگرتی زەوی سوودمەند بوون و خانووەکەتان تاپۆ ناکرێت'.

 

لێدوانی فەرمی: سەربەست مەولوود، بەڕێوەبەری یاسایی لە وەزارەتی شارەوانی بە ئاڤای ڕاگەیاند: چەند حاڵەتێکی لەم شێوەیەمان هەیە، بۆیە نووسراوێکمان ئاراستەی ئەنجوومەنی وەزیرانی هەرێمی کوردستان کردووە و داواکارین چارەسەرێک بۆ ئەو بابەتە بدۆزرێتەوە.