هاتووچۆی هەولێر: دانانی تاسە پێوەر و مەرجی خۆی هەیە

ئاڤا نیوز

 

دانانی تاسە لەسەر شەقامەکان بەگوێرەی چەند پێوەرێک دەکرێت، وتەبێژی هاتووچۆی هەولێر دەڵێت، 'سەرەتا لیژنە شوێنەکە دەپشکنێت و دواتر تاسە دادەنرێت'.

بابەتی سەرەکی: دانیشتووانی گەڕەکەکانی سەر جووتسایدی بنەسڵاوە نزیک مزگەوتی ئیسرا و میحراج داوا دەکەن، تاسە لەسەر جووتسایدەکە دابنرێت، وەک خۆیان دەڵێن لە دوای نۆژەنکردنەوەی شەقامەکە و لابردنی تاسەکان، لە ماوەی ئەم دوو مانگەدا دوو کەس لە کاتی پەڕینەوە لە شەقامەکەدا ئۆتۆمبێل لێیداوە.

 

لێدوانی فەرمی: عەقید هێمن ئەمین، وتەبێژی هاتووچۆی هەولێر، بە ئاڤا میدیای ڕاگەیاند: دانان و هەڵگرتنی تاسە لەلایەن ئەندازەی هاتووچۆ دەکرێت، دانیشتووانی ئەو گەڕەکانە دەتوانن واژۆ کۆبکەنەوە و بیدەن بە موختاری گەڕەکەکەیان، ئەویش بۆ ئەندازەی هاتووچۆی ببات.

 

زانیاریی زیاتر: وتەبێژی هاتووچۆی هەولێر دەڵێت: لیژنەی پشکنین سەردانی شوێنەکە دەکات، ئەگەر پێویستی بەدانانی تاسە هەبێت، بۆی دادەنرێت، چونکە دانانی تاسە پێوەر و مەرجی خۆی هەیە.