کۆمیسیۆن سیستمی نوێکردنەوەی تۆماری بایۆمەتری پەسەند دەکات

ئاڤا نیوز

لە چوارچێوەی ئامادەکارییەکان بۆ هەڵبژاردنی پەرلەمانی عێراق لە کۆتایی ئەمساڵدا، کۆمیسیۆنی هەڵبژاردنەکان سیستمی نوێکردنەوەی تۆماری بایۆمەتری پەسەند کرد.

ئەوەی پێویستە بیزانیت: بۆ ئەمساڵ نزیکەی 29 ملیۆن دەنگدەر بەشداریی لە هەڵبژاردنی پەرلەمانی عێراق دەکەن، لە دایکبووانی ساڵی 2007یش بۆیەکەمجار دەنگ دەدەن.

ڕاگەیێنراوی فەرمی: ئەنجوومەنی کۆمیسیارانی کۆمیسیۆنی هەڵبژاردنەکانی عێراق ڕایگەیاند،

- ئەنجوومەنەکە سیستمی نوێکردنەوەی تۆماری بایۆمەتری پەسەندکرد کە ڕێکارەکانی تایبەت بە دەستپێکردن و کۆتاییهاتنی تۆماری بایۆمەتر لە خۆدەگرێت.

- ئەوانەی تاوەکو ئێستا کارتی دەنگدانیان نییە، دەتوانن سەردانی بنکەکانی تۆماری بایۆمەتری بکەن و ناویان بۆ هەڵبژاردنی داهاتوو تۆماربکەن.

- ئەنجوومەنی کۆمیسیاران ئاشکرای کردووە کە ئەم ڕێنماییە بۆ هەڵبژاردنی پەرلەمانی عێراقە کە لە ساڵی 2025 بەڕێوەدەچێت، ئەوەش یەکەم ئاماژەیە کە هەڵبژاردنەکە پێش یان دواناخرێت و لە کاتی خۆیدا دەکرێت.