حیزبوڵڵای لوبنان هەڕەشەی دەستپێکردنەوەی جەنگ لە ئیسرائیل دەکات

ئاڤا نیوز

سەرەڕای ئەنجامدانی ڕێککەوتنامەی ئاشتی و ئاگربەست، حزبوڵڵای لوبنان هەڕەشەی ڕووبەڕووبوونەوە لەگەڵ سوپای ئیسرائیل دەکات.

وێنە گەورەکە: ئەمینداری گشتی حزبوڵڵای لوبنان لە چاوپێکەوتنێکیدا لەگەڵ کەناڵی فەرمی حزبەکەی، ئیسرائیل بە پێشێلکردنی ڕێککەوتننامەی ئاشتی و ئاگربەست تۆمەتبار دەکات و لە ئەگەری بەردەوامی پێشێلکردنی سنوری لوبنان و کوشتنی خەڵکی مەدەنی لە خاکی لوبناندا، هەڕەشەی ڕووبەڕووبوونەوە و دەستپێکردنەوەی جەنگ لە ئیسرائیل دەکات.

لێدوانی فەرمی: نەعیم قاسم، ئەمینداری گشتی حزبوڵڵا لە بەشێکی چاوپێکەوتنەکەیدا وتی: "سەرەڕای پابەندبوونمان بە ڕێککەوتن و ئاگربەستەوە، بەڵام سوپای دوژمن لە پێشێلکردنی ئاگربەست بەردەوامە و خەڵکی مەدەنی لە ماڵ و ئۆتۆمبێلەکانیان لە خاکی لوبناندا دەکەنە ئامانج و دەیانکوژن."

زانیاریی زیاتر: لە بەشێکی دیکەی چاوپێکەوتنەکەدا، ئەمینداری گشتی حزبوڵڵا جەختی لەسەر دەستبەردارنەبوونی هێز و توانای سەربازی حزبەکەی کردەوە و لە ئەگەری بەردوامی پێشێلکردنی ئاگربەست لە لایەن ئیسرائیلەوە، هەڕەشەی ڕووڕووبوونەوە و دەستپێکردنەوەی جەنگی لەگەڵ سوپای ئیسرائیل کرد.