کۆنگرێسمانی ئەمریکا: تەیف سامی کوردەکانی لە عێراق برسی کردووە

ئاڤا نیوز

جۆ ویلسۆن، کۆنگرێسمانی ئەمریکا سەر بە پارتی کۆمارییەکان، هەڵوێست لەبەرامبەر وەزارەتی گەنجینەی ئەمریکا وەردەگرێت بەهۆی دواخستنی سزا بۆ سەر بانکی ڕافیدەینی عێراق، باسی لەوەشکردووە وەزیری دارایی عێراق، کوردەکانی برسی کردووە. 
 

چی ڕوودەدات: دوای ئەوەی کۆنگرێسمانێکی ئەمریکا لە کۆتایی مانگی یەکی ساڵی 2025، داوای سزادانی بانکی ڕافیدەینی عێراقی کردبوو، کە گەورەترین دامەزراوەی دارایی عێراقە، بە تۆمەتی ئەوەی گەورەترین ناوەندی سپی کردنەوەی پارەیە بۆ گرووپە لەیاسا دەرچووەکان. 

ڕاگەیێنراوی فەرمی: جۆ ویلسۆن، لە تۆڕی کۆمەڵایەتیی ئێکس ڕایگەیاند، ''ناکرێت چیتر وەزارەتی گەنجینەی ئەمریكا سزادانی بانکی ڕافیدەینی عێراق دوابخات، چونکە بە ملیاران دۆلاری بۆ میلیشیا عێراقییەکان سپی كردووەتەوە.'' 

- وەزیری دارایی عێراق، تەیف سامی کوردەكانی لە عێراق برسی كردووە و مووچەکانیان بۆ نانێرێت، دەبێت ئەمە کۆتایی بێت و ترەمپ ئەمە چارەسەر دەکات.

- وەزارەتی گەنجینەی ئەمریکا لە ئیدارەی پێشووی ئەمریکا کە جۆ بایدن سەرۆکایەتیی دەکرد لە ئاست ئەو بانکە بێدەنگ بوون و هەڵوێستییان نەبووە، هاوکات ساڵانە 10 ملیار لێخۆشبوونی ئەمریکا دەبێتە داهات و بۆ ئێران دەچێت، ئەمەش بۆتە سەرچاوەیەک بۆ سپیکردنەوەی پارە بۆ ئێران و گرووپە میلیشیاکان.