شاندێك بۆ پرسی هەناردەكردنەوەی نەوت دەچێتە بەغدا

ئاڤا نیوز

 

ڕێباز حەملان ڕایدەگەیێنێ، بڕیارە سبەی شاندێکی حکومەتی هەرێمی کوردستان بۆ پرسی هەناردەکردنەوەی نەوتی هەرێمی کوردستان سەردانی بەغدا بکەن.

 

وێنە گەورەکە: ڕۆژی سێشممە ڕێککەوتی 11ـی 3ـی  2025، ڕێباز حەملان، بریکاری دەستلەکارکێشاوەی وەزارەتی دارایی عێراق لە گەشتی هەواڵەکانی سەعات حەوتی ئاڤا میدیا بەشداری کرد و وەڵامی چەند پرسیارێکی پەیوەست مووچە، لیستی مووچەی فەرمانبەرانی هەرێمی کوردستان و هۆکاری دەستلەکارکێشانەوەی لە پۆستی بریکاری وەزارەتی دارایی عێراق، دایەوە.

 

لێدوانی فەرمی: ڕێباز حەملان، بریکاری دەستلەکارکێشاوەی وەزارەتی دارایی عێراق بە ئاڤای ڕاگەیاند: فشارێکی زۆر لەلایەن ئەمریکییەکانەوە لەسەر پرسی هەناردەکردنەوەی نەوتی کوردستان هەیە و بە زووترین کات ئەو بابەتە چارەسەر دەکرێت.

 

زانیاری تایبەت: بە گوتەی بریکاری دەستلەکارکێشاوەی وەزارەتی دارایی عێراق، سبەی شاندێکی هەرێمی کوردستان بۆ پرسی هەناردەکردنەوەی نەوت سەردانی بەغدا دەکەن.

 

زانیاری زیاتر: "هەرێمی کوردستان کۆمپانیاکانی بەرهەمهێنانی نەوتی بەرەوڕووی حکومەتی فیدراڵی کردووەتەوە بۆ ئەوەی لە پرسی هەناردەکردنەوەی نەوت ماف و سایشتەکانیان لەلایەن بەغداوە مسۆگەر بکرێت." ڕێباز حەملان وادەڵێت.