شاندێکی تورکیا سەردانی ئۆکراینا دەکەن

ئاڤا نیوز

 

لەچوارچێوەی پەرەپێدانی نێوانیان، شاندێکی وەزارەتی بازرگانی و کوشتوکاڵی تورکیا سەردانی ئۆکراینا دەکەن بۆ دووبارەبوونیادنانەوەی ژێرخانی ئەو وڵاتە.

 

چیرۆکی سەرەکی: عومەر بۆلات، وەزیری بازرگانیی تورکیا لەگەڵ ئیبراهیم یوماکلی، وەزیری کوشتوکاڵ و دارستان و 25 وەبەرهێنی تورکیا بەرەو ئۆکراینا بەڕێکەوتوون، بڕیاروایە لەگەڵ ڤۆڵۆدمیر زێلینسکی، سەرۆکی ئۆکراینا کۆببنەوە.

 

زانیاریی زیاتر: لە کۆبوونەوەکدا باس لە پرسەکانی تایبەت بە بەشداریکردنی بەڵێندەرانی تورکیا لە پڕۆسەی ئاوەدانکردنەوەی ئۆکرانیا دەکرێت.

 

ئەوەی پێویستە بیزانیت: ئەم هەنگاوەی تورکیا لە کاتیکدایە شەوی ڕابردوو، ئۆکراینا دوای زیاتر لە هەشت کاتژمێر کۆبوونەوە لەگەڵ بەرپرسانی باڵای ئەمریکا، ئامادەیی خۆی نیشاندا بۆ ڕاگەیاندنی ئاگربەست بۆ ماوە 30 ڕۆژ، بەڵام هێشتا ڕووسیا ڕازیبوونی خۆی بۆ ئاگربەستەکە ڕانەگەیاندووە.