بکوژی ڕۆژنامەنووس لەیس محەممەد دەستگیر دەکرێت

ئاڤا نیوز

وەزارەتی ناوخۆی عێراق دەستگیرکردنی بکوژی ڕۆژنامەنووس لەیس محەممەد ڕەزا دلێمی ڕۆژنامەنووس لە ئاژانسى هەواڵى فەرمى عێراق ڕاگەیاند.

چیرۆکی سەرەکی: شەوی چوارشەممە 12-3-2025 ڕۆژنامەنووس لەیس محەممەد ڕەزا دلێمی لە بەردەم ماڵەکەی خۆی لە ناوچەی عەرەسات لە بەغدا بەهۆى شەڕ و دەمەقاڵێى لەگەڵ پاسەوانی بەرپرسێک کوژرا.

لێدوانی فەرمی: میقداد میری، وتەبێژی فەرمی وەزارەتی ناوخۆی عێراق  ڕایگەیاند: لە ئۆپەراسیۆنێکدا هێزێکی هەواڵگری دیوی ڕەسافەی شاری بەغدا توانییان بکوژی ڕۆژنامەنووسەکە  دەستگیر بکەن.

ئەوەی پێویستە بیزانیت: پێشتر لیوا وەلید خەلیفە تەمیمی، فەرماندەی ئۆپەراسیۆنەکانی بەغدا دووپاتیکردەوە، ڕێوشوێنی توندیان بۆ دەستگیرکردنی بکوژی ڕۆژنامەنووس لەیس محەممەد ڕه‌زا گرتووەتەبەر.