سیناتۆرێکی ئەمریکی بۆ عێراق: سزای تووند بەڕێوەیە

 

ئاڤا نیوز

سەبارەت بە هاوردەکردنی غاز لەئێرانەوە، ئەندامێكی ئەنجوومەنی نوێنەرانی ئەمریكا هۆشداری بە عێراق دەدات و دەڵێت " سزای تووند بەڕێوەیە ئەگەر درێژە بە پەیوەندییەکانتان لەگەڵ تاران بدەن".

وێنە گەورەکە: لەدوای وەرگرتنی پۆستی سەرۆکایەتی ئەمریکا، دۆناڵد ترەمپ، سەرۆکی ئەمریکا کۆمەڵێک سزای بەسەر ئێران سەپاندووە و هەڕەشەش لە عێراق دەکات دەبێت پەیوەندییە بازرگانییەکانی لەبارەی وزە لەگەڵ تاران کۆتایی پێبهێنێت بە تایبەت هاوردەکردنی غاز.

لێدوانی فەرمی: جۆو وێڵسن، سیناتۆری کۆمارییەکان و سەرۆکی لیژنەی کاروباری دەرەوە لە ئەنجوومەنی نوێنەرانی ئەمریکا لەپێگەی فەرمی خۆی لە پلاتفۆڕمی ئێكس بڵاویكردەوە: لەگەڵ ئەوەی عێراق لەلایەن واشنتنەوە ئاگاداركراوەتەوە بەهەڵوەشاندنەوەی رێككەوتنەكانی تایبەت بە پرسی گواستنەوەی سەرچاوەكانی وزە لە تارانەوە، بەڵام بەرپرسان لە بەغدا بە ئاشكرا باس لە گواستنەوەی سەرچاوەی وزە لە ئێرانەوە دەكەن.

زانیاری زیاتر: پێویستە دەسەڵاتدارانی بەغدا ئەم هۆشدارییە بە جددی وەربگرن، کۆتایی هێنان بە لێخۆشبوونی کارەباش تەنیا سەرەتایەکە، دوای ئەوە سزای توندی ئەمریکا روبەڕوویان دەبێتەوە.