پوتن بۆ سەربازانی ئۆکراینا: چەکەکانتان دابنێن بۆئەوەی ژیانتان پارێزراو بێت

 

ئاڤا نیوز

ڤلادیمێر پوتن، سەرۆکی ڕووسیا، داوا لەو هێزانەی ئۆکراینا دەکات کە لە ناوچەی کۆرسکی ڕووسیا شەڕ دەکەن، خۆیان ڕادەست بکەن، ئەمەش دوای ئەوەی دۆناڵد ترەمپ، سەرۆکی ئەمریکا داوای لە پوتن کرد ژیانی سەربازانی ئۆکراینا بپارێزێت.

چیرۆکی سەرەکی: لە ناوچەی کۆرسکی ڕووسیا، هەزاران سەربازی ئۆکراینا لەلایەن ڕووسیاوە گەمارۆدراون و ئەمریکا و ئۆکراینا داوا دەکەن ژیانیان پارێزراوبێت.

لێدوانی فەرمی: پوتن ڕایگەیاند، هاوسۆزن لەگەڵ بانگەوازەکەی دۆناڵد ترەمپ و ئەگەر سەربازانی ئۆکراینا چەکەکانیان دابنێن و خۆیان ڕادەست بکەن، ئەوە گەرەنتی ژیان و مامەڵەی شکۆمەندانەیان بۆ دەکات، داوای لە سەرکردەکانی ئۆکراینا کرد، فەرمان بە هێزەکانیان بکەن کە خۆیان ڕادەست بکەن.