وەزارەتی کارەبا دانیشتوانی سلێمانی ئاگادار دەکاتەوە

ئاڤا نیوز

وەزارەتی کارەبا دانیشتوانی سلێمانی ئاگادار دەکاتەوە کە لە ڕۆژی شەممەوە بۆ ماوەی چوار ڕۆژ تاقیکردنەوەی فشاری سەر تۆڕی کارەبا ئەنجام دەدرێت، لە نێوان ئەم کاتەدا کارەبا بەردەوام کارا دەبێت.

چیرۆکی سەرەکی: بەمەبەستی تاقیکردنەوە و ڕێکاری ڕۆتینی بۆ تۆڕی کارەبا  بە ئامانجی دۆزینەوە و دیاریکردنی کێشە و خاڵە لاوازەکانی سەر تۆڕەکانی گواستنەوە و دابەشکردنی کارەبا. کارەبای سلێمانی بۆ ماوەی چوار ڕۆژ بەردەوام کارا دەبێت.

ڕاگەیێنراوی فەرمی: وەزارەتی کارەبا ڕایگەیاندووە، لە کاتژمێر 1:00ـی دوای نیوەڕۆی ڕۆژی شەممەوە تاقیکردنەوەی فشاری سەر تۆڕی کارەبای نیشتمانی دەستپێدەکات و تا ڕۆژی سێشەممە 2025-03-18، تاقیکردنەوەکە بەردەوام دەبێت و لەم کاتەدا کارەبای نیشتمانی بەردەوام کارا دەبێت.

لە ڕاگەیێنراوەکەی وەزارەتی کارەبا ئەوەش هاتووە:

٠ ئەم تاقیکردنەوەیە هەموو گەڕەکەکانی ناوشار ناگرێتەوەو سنوردارە لە چەند شوێنێکی دەستنیشانکراو.

٠ وەزارەتی کارەبا پێشوەختە هاونیشتمانیان ئاگادار دەکاتەوە لە ئەگەری پچڕانی نەخوازراوی کارەبا لەکاتی ئەنجامدانی تاقیکردنەوەکە.