ئەڵمانیا ڕێژەی قەرز زیاد دەکات

 

ئاڤا نیوز

فریدریک مێرز ڕاوێژکاری داهاتووی ئەڵمانیا لەگەڵ پارتی سەوزەکانی وڵاتەکەی گەیشووەتەوە ڕێککەوتن بۆ زیادکردنی ئەو قەرزەی حکومەتی ئەڵمانیا دەیەوێت وەریبگرێت، ئەمەش بە چەند ڕۆژێک لە کۆبوونەوەی پەرلەمانی ئەڵمانیا و دەنگدان لەسەر ئەو پرسە.

وێنە گەورەکە: ڕێککەوتنی لایەنەکانی ئەڵمانیا بەو هیوایە کە سندوقێکی 545 ملیار دۆلاری دروست بکەن بۆ دابینکردنی داهات بۆ ژێرخانی ئابووری و وەبەرهێنانی بەرگری وڵاتەکەیان.

بابەتە ستراتیژییەکان: بەپێی پلانی حکومەتی نوێی ئەڵمانیا تەنیا سندوقی ژێرخانی ئابووری دەتوانێت بە تێکڕا لە ماوەی 10 ساڵی داهاتوودا بەرهەمی ئابووری بەرزبکاتەوە.

زانیاری زیاتر: بەپێی ڕێککەوتنەکە لەسەر بەرزکردنەوەی خەرجییەکانی بەرگری و ژێرخانی ئابووری، پێشبینی دەکرێت لە ساڵی 2026دا گەشەی ئابووری ئەڵمانیا بە ڕێژەی 2.1% بێت، لەجیاتی 1.1%.

ئەوەی پێویستە بیزانیت: ساڵی ڕابردوو ڕێژەی قەرزی ئەڵمانیا نزیکەی 64%ـی بەرهەمی ناوخۆیی گشتی بووە، کە زۆر کەمترە لە وڵاتانی پیشەسازی گەورەی دیکەی وەک ئەمریکا و فەرەنسا.