سەرۆکوەزیرانی نوێی کەنەدا: هەرگیز وڵاتەکەمان نابێتە بەشێک لە ئەمریکا

ئاڤا نیوز

 

مارک کارنی، سەرۆکوەزیرانی نوێی کەنەدا هەڵوێستی ڕوونی وڵاتەکەی بەرامبەر بە هەڕەشەکانی ترەمپ دووپاتدەکاتەوە و دەڵێت، هەرگیز کەنەدا نابێتە بەشێک لە ئەمریکا.

وێنە گەورەکە: کەنەدا سەرۆکوەزیرانێکی نوێی بۆ وڵاتەکەی هەڵبژارد دوای دەست لەکارکشانەوەی جەستن ترودۆ، سەرۆکوەزیرانی پێشوو ئەو وڵاتە دوای 10 ساڵ مانەوەی لە پۆستەکەی، کارنی هەر لەگەڵ سوێند خواردنی بۆ وەرگرتنی پۆستە نوێیەکەی جەخت لە هەڵوێستی کەنەدییەکان بەرامبەر هەڕەشەکانی دۆناڵد ترەمپ سەرۆکی ئەمریکا دەکاتەوە. 

لێدوانی فەرمی: مارک کارنی، سەرۆکوەزیرانی نوێی کەنەدا ڕایگەیاند،''هەرگیز و بەهیچ شێوەیەک نابینە بەشێک لە ئەمریکا، هیوادارم بتوانین رێگایەک بدۆزینەوە بۆ کارکردنی پێکەوەیی لەگەڵ ئیدارەی ترەمپ''.

باکگراوند: مارک کارنی تەمەن 59 ساڵ، پارێزگاری پێشووی بانکی ناوەندیی بووە  بە زۆرینەی دەنگ بە سەرۆکی پارتی لیبراڵ لە 14-3-2025 سوێندی یاسایی خوارد و بەفەرمی وەک سەرۆکوەزیرانی نوێی کەنەدا دەستبەکاربوو.