بڕیاری لێخۆشبوون لە باج و گومرگ و کرێی تۆمارکردنی ئۆتۆمبێل بۆ وارسی شەهیدان دەدرێت

ئاڤا نیوز

حکومەتی عێراق بڕیاری لێخۆشبوون لە باج و گومرگ و ژمارەکردنی ئۆتۆمبێل بۆ وارسی شەهیدان و بۆ یەکجار دەدات.

 

ئەوەی پێویستە بیزانیت: بنەماڵەی شەهیدان دەتوانن سوودمەند بن لە لێخۆشبوونی گومرگی دوای پەیڕەوکردنی ڕێکارە تایبەتەکان لەڕێگەی لینکی ئەلیکترۆنیەوە کە بەمنزیکانە دەخرێتە بواری جێبەجێکردنەوە بۆ ئاسانکاریی پرۆسەی پێشکەشکردن و بەدەستهێنانی لێخۆشبوونەکە.

 

بڵاوکراوەی فەرمی: بەگوێرەی بڵاوکراوەیەکی دەزگای شەهیدانی عێراق، بە پشتبەستن بە حکومەکانی ماددە 13 لە یاسای ژمارە 23ـی ساڵی 2024، کەسوکاری شەهیدان حکومەکانی ئەو یاسایە و یاسای قەرەبووکردنەوەی ئەوانەی بەهۆی ئۆپەراسیۆنە جەنگییەکان و هەڵە سەربازییەکان و کردەوە تیرۆریستییەکان زیانمەند بوون، دەیانگرێتەوە.

 

ئەوەی پێویستە بیزانیت: بەگوێرەی ڕێنماییەکان، لێخۆشبوون لە باجی گومرگی و ژمارەی ئۆتۆمبێل بۆ یەکجار دەبێت.

حاڵەتەکانی لێخۆشبوون بۆ بنەماڵەی شەهید:

ئەو خێزانانەی یەک شەهیدیان هەیە بۆ ئەم حاڵەتانەی خوارەوە لە یەک ئۆتۆمبێل دەخشرێن:
1- دایک و باوکی شەهید، یان یەکێکیان لە ئەگەری مردنی ئەوی دیکە.
2- ژن و منداڵەکانی شەهید، تەنانەت ئەگەر چەندین ژنیشی هەبێت.
3- هاوسەر و منداڵەکانی شەهید.
4- نەوەکانی شەهید (منداڵەکانی کوڕ و کچ) کە یاسای ژمارە 2ی ساڵی 2016 دەیانگرێتەوە.
5- خوشک و برا حەقی شەهید لە ئەگەری نەبوونی خوشک و برای حەقی، لێخۆشبوون بۆ زڕ خوشک و برای شەهید بۆ ئەم حاڵەتانەی خوارەوە دەبێت.

- شەهیدەکە سەڵت بووبێت و دایک و باوکی کۆچی دواییان کردبێت.
- شەهیدەکە جیابووبێتەوە هیچ منداڵێکی نەبووبێت و دایک و باوکی کۆچی دواییان کردبێت.
- شەهیدەکە ژنەکەی مردبێت و منداڵی نەبێت و دایک و باوکی کۆچی دواییان کردبێت.