دەیان کەو بۆ یادی هەڵەبجە ئازاد دەکرێن

 

ئاڤا نیوز

لە ساڵڕۆژی کیمیابارانکردنی هەڵەبجەدا بۆ ڕێزگرتن لە ڕۆحی شەهیدانی ئەو کارەساتە لە سلێمانی دەیان کەو ئازاد کران.

چیرۆکی سەرەکی: ئەمڕۆ یەکشەممە، 37 ساڵ بەسەر کارەساتی کیمیابارانکردنی هەڵەبجە تێپەڕی، بەم بۆنەیەوە لە هەڵەبجە و سەرجەم شار و شارۆچکەکانی کوردستان یادی ئەو کارەساتە کرایەوە.

بڵاوکراوەی فەرمی: بەڕێوەبەرایەتیی پۆلیسی دارستان و ژینگەی سلێمانی ڕایگەیاند: ئەفسەرانی بەڕێوەبەرایەتیی پۆلیسی دارستان و ژینگەی سلێمانی لەنێو بارەگاکەیاندا، بۆ ڕێزگرتن لە گیانی شەهیدانی هەڵەبجە چەند خولەکێک بە بێدەنگی ڕاوەستان و 50 باڵندەی جۆری کەو، بۆ ڕۆحی ئەو پێنج هەزار شەهیدەی هەڵەبجە ئازادکران.

باکگراوند: ڕۆژی 16ی ئازاری ساڵی 1988 ڕژێمی بەعسی عێراق، بە چەکی کیمیایی هێرشی کردە سەر هەڵەبجە، بەهۆیەوە پێنج هەزار هاونیشتمانی شارەکە شەهید بوون، هەروەها زیاتر لە 10 هەزار کەسی دیکە برینداربوون و تەواوی خەڵکی شارەکەش ئاوارەبوون.