لە ڕۆژهەڵاتی ناوەڕاست عێراق زۆرترین بڕی برنج لە ئەمریکا هاوردە دەکات

 

ئاڤا نیوز

وەزارەتی کشتوکاڵیی ئەمریکا ئاشکرای کردووە، عێراق لە دوو ساڵی ڕابردوودا زۆررترین بڕی برنجی لەو وڵاتە هاوردە کردووە لەسەر ئاستی وڵاتانی ڕۆژهەڵاتی ناوەڕاست.

وێنە گەورەکە: بە گوێرەی ڕاپۆرتی وەزارەتی کشتوکاڵی ئەمریکا، ڕۆژهەڵاتی ناوەڕاست، لە پلەی سێیەمی جیهاندایە لە هاوردەکردنی برنج. عێراق، سعوودیە و ئوردن،  سێ بازاڕی سەرەکیین بۆ برنجی ئەمریکی لە ناوچەکەدا.

ڕاگەیێنراوی فەرمی: ساڵانی 2023 و 2024 عێراق بۆ هەر ساڵێک نزیکەی 111 هەزار تۆن برنجی ئەمریکی هاوردە کردووە، دوای ئەویش سعوودیە دێت بە 100 هەزار تۆن ساڵانە، دواتر ئوردن بە 64 هەزار تۆن.

زانیاریی زیاتر: بەرهەمی برنجی ئەمریکا لە ساڵی 2023ـدا گەیشتە نزیکەی سێ ملیۆن و 486 هەزار تۆن، کە تەنها 2% بەرهەمی جیهانی پێکدەهێنێت، بەڵام هەناردەکردنی ئەمریکا 5% کۆی هەناردەکردنی جیهانی پێکدەهێنێت.