لیژنەی فەتوای سلێمانی: لەبری زێڕ بە خورما و خواردن هاوسەرگیری بکەن

ئاڤا نیوز

 

گرانبوونی نرخی زێر بۆ بەشێک لەو گەنجانەی کە دەیانەوێت هاوسەرگیری بکەن گرفتی دروست کردووە، بەڵام سەرۆکی لیژنەی فتوای سلێمانی هەواڵێکی خۆشی بۆ ئەو گەنجانە پێیە و دەڵێت: لە بڕی زێر دەتوانن خواردن یان شتێکی دیکە دیاری بکەن بۆ پڕۆسەی هاوسەرگیری.

 

چیرۆکی سەرەکی: زێڕ لە بازاڕەکانی جیهاندا نرخێکی پێوانەیی تۆمارکردووە و نرخی یەک ئۆنسە زێڕ 3000 هەزار دۆلاری تێپەڕاندووە، لە بازاڕەکانی هەرێمی کوردستانیش نرخی یەک مسقاڵ زێری عەیار 21 گەیشتە 630 هەزار دینار، ئەمەش بۆ هەندێک لە گەنجان کە پلانی هاوسەرگیرییان هەیە بووەتە گرفت.

 

لێدوانی فەرمی: د. محەممەد پێنجوێنی، سەرۆکی لیژنەی فتوای سلێمانی، بە ئاڤا میدیای ڕاگەیاند، "لە ڕووی شەرعییەوە هەر شتێک کە پێی بوترێت ماڵ و سامان و نرخ و بەهای هەبێت، ئینجا زێر، زیو، یان خواردەمەنی و جل و بەرگ بێت، دەکرێتە بکرێتە مارەیی، هەروەها دەشێت کچ و کوڕان لەسەر مشتە خورمایەکیش بێت ڕێکبکەون، کە لەسەردەمی پێغەمبەرمان (د.خ) ئەوە ڕوویداوە، یان فێرکردنی چەند ئایەتێکی قورئان".

 

-  لە ئیسلامدا ئاسانکاری زۆر بۆ هاوسەرگیری کراوە، چونکە پرۆسەی هاوسەرگیری لەسەرخۆشەویستی ڕاوەستاوە نەک لەسەر پارە و زێر و ماڵ.

- داواکاریمان ئەوەیە دایک و باوکان دوورکەونەوە لە هەندێک عادەتی پێشوو کە کچانیان بە شوو نەدەدا تاوەکو مارەیی زۆریان بۆ نەکرا با. 

- پێمان وایە مرۆڤ شتێک نیە بەهای بۆ دابنرێت بەڵکو مرۆڤ زۆر لەوە گەورەترە کە بەراورد بکەین بەرامبەر بە زێر یان زیو.