سیستانی: زەکاتی سەرفیترە هەزار و 500 دینارە

ئاڤا نیوز

مەرجەعی باڵای شیعە مەزهەبەکانی عێراق زەکاتی سەرفیترەی بۆ مانگی ڕەمەزانی ئەمساڵ دیاریکرد، بۆ هەر تاکێک هەزار و 500 دینارە.

چیرۆکی سەرەکی: ساڵانە لە مانگی ڕەمەزان، مەرجەعە باڵاکانی شیعە و سووننە لە عێراق بڕی زەکاتی سەرفیترە و فیدیە دیاری دەکەن، بۆ ئەمساڵیش سووننە بڕی سێ هەزار و شیعەش بڕی هەزار و 500 دیناریان بۆ زەکاتی سەرفیترە دیارکردوە.

ڕاگەیێنراوی فەرمی: نووسینگەی عەلی سیستانی، مەرجەعی باڵای شیعە مەزهەبەکانی عێراق ڕایگەیاند: بەهای زەکاتی سەرفیترە بۆ ئەمساڵ هەزار و 500 دینارە بۆ هەر تاکێك، ئەوەش لەجیاتی ئەوەی زەکاتەکە ئارد بێت.

زانیاریی زیاتر: ڕۆژی چوارشەممەی ڕابردوو، 12ـی ئادار، ئەنجوومەنی فیقهی عێراق و دیوانی وەقفی سوننە، ، بڕی زەکاتی سەرفیترەیان بۆ ئەمساڵ بە سێ هەزار دینار دانا و دووپاتیان کردەوە ڕێگەپێدراوە بە خەڵکی غەززە بدرێت.