شارەزایەکی ئابووری: عێراق لە ساڵی ڕابردوو بە بەهای 65 ملیار دۆلار کاڵای هاوردە کردووە

 

ئاڤا نیوز

شارەزایەکی ئابووریی عێراق ئاشکرای دەکات، لە ساڵی 2024ـدا عێراق بە بەهای 65 ملیار دۆلار کاڵای لە شەش وڵاتی سەرەکی هاوردە کردووە، ئەوەی جێی سەرنجە ئێران لە لیستی ئەو وڵاتانەدا نییە کە هاوبەشێکی سەرەکیی ئابووریی عێراقە.

چیرۆکی سەرەکی: لە ساڵی 2024دا عێراق بە نزیکەی 65 ملیار دۆلاری ئەمریکی کاڵای لە وڵاتان هاوردە کردووە، ئەو وڵاتانە بریتین لە ئیمارات، چین، تورکیا، هیندستان، ویلایەتە یەکگرتووەکانی ئەمریکا و بەرازیل.

ڕاگەیێنراوی فەرمی: مەنار عوبەیدی، شارەزای ئابووری ڕایگەیاند: ئیمارات لە پێشەنگی لیستی ئەو وڵاتانەی کاڵایان هەناردەی عێراق کردووە دێت بە بەهای 31 ملیار دۆلار، لە دوای ئەویش چین بە بەهای هاوردەکردنی 15.9 ملیار دۆلار دێت، دواتر تورکیایە کە بەهای هەناردەی 11.2 ملیار دۆلاری تۆمارکردووە.

دیارترین ئەو کاڵایانەی عێراق لە ساڵی ڕابردووە هاوردەی کردووە برتین لە؛ ئاڵتون، کانزا بەنرخەکان، ئامێری ئەلیکترۆنی، ئۆتۆمبێل و ئامێری گواستنەوە، و ئامێری کارەبایی و میکانیکی.

زانیاریی زیاتر: ئەو کاڵایانە 54%ـی کۆی هاوردەی عێراق لەو وڵاتانە پێکدەهێنن، بە وتەی ئەو شارەزا ئابوورییە، زۆربەیان کاڵای کەمالییاتن، کاڵای سەرەکیی ژیانی هاووڵاتیان نین.