ئاگری نەورۆز لە چەندین شوێنی سلێمانی دەکرێتەوە

 

ئاڤا نیوز

بۆ بەرزڕاگرتنی جەژنی نەورۆز، لە چەندین شوێنی سلێمانی ئاگری نەورۆز دەکرێتەوە، پارێزگاری سلێمانی لەمبارەیەوە دەڵێت 'یادەکە لە ژێر چەتری پارێزگار و قایمقامییەت دەکرێتەوە'.

وێنە گەورەکە: بۆ پێشوازیکردن لە هاتنی ساڵی نوێی کوردی و بەرزڕاگرتنی جەژنی نەورۆز، ساڵانە لە سەرجەم ناوچەکانی کوردستان ئامادەکاری دەکرێت و  ئاگری نەورۆز دەکرێتەوە.

لێدوانی فەرمی: هەڤاڵ ئەبوبەکر، پارێزگاری سلێمانی، بە ئاڤا میدیای ڕاگەیاند: هەموو ساڵێک یادی جەژنی نەورۆز و سەری ساڵی نوێی کوردی، لەلایەن ڕێکخراوە مەدەنییەکان لە پارکی ئازادی، دامەزراوە و کۆمپانیاکان بەشێوازێکی نوێ لەسەر گۆیژە، تیپی هونەری میلی کوردستان لەسەر شەقامی سالم، کۆمەڵەی کەلەپوری کورد لە مامەیارە دەکرێتەوە.

ئەوەی پێویستە بیزانیت: ساڵانە ژمارەیەکی زۆر گەشتیار لە شارەکانی ناوەڕاست و خوارووی عێراق و وڵاتانی دەوروبەر، بۆ بەشداریکردن لە جەژنی نەورۆز ڕوو لە هەرێمی کوردستان دەکەن.