سەرۆکوەزیران مەسرور بارزانی لەگەڵ باڵیۆزی ئوستورالیا باسی پێکهێنانی کابینەی نوێ دەکەن

ئاڤا نیوز

سەرۆکوەزیرانی هەرێمی کوردستان و باڵیۆزی ئوسترالیا لە عێراق، هاوڕابوون لەسەر گرنگیی بەهێزکردنی پەیوەندییەکانی هەرێمی کوردستان و ئوسترالیا.

چیرۆکی سەرەکی: ئەمڕۆ پێنجشەممە 2025-03-20، سەرۆکوەزیران مەسرور بارزانی پێشوازی لە گلێن مایڵز باڵیۆزی ئوسترالیا لە عێراق کرد، جەخت لە پێویستیی پێکهێنانی کابینەی نوێی حکومەتی هەرێمی کوردستان کرایەوە.

ڕاگەیێنراوی فەرمی: لە کۆبوونەوەی نێوان سەرۆکوەزیران مەسرور بارزانی و گلێن مایڵز باڵیۆزی ئوسترالیا لە عێراق، باس لەم بابەتانە کراوە:

٠ پێویستیی پێکهێنانی کابینەی نوێی حکومەتی هەرێمی کوردستان.

٠ چارەسەرکردنی کێشەکانی نێوان هەرێمی کوردستان و حکومەتی فیدراڵ لەسەر بنەمای دەستوور و ڕێزگرتن لە قەوارەی دەستووریی و فیدراڵی هەرێمی کوردستان.

٠ دوایین پێشهات و گۆڕانکارییەکانی عێراق و ناوچەکە.

ئەوەی پێویستە بیزانیت: لە قۆناغە جیاوازەکانی ڕابردوودا ئوسترالیا هاوکارێکی گرنگی هەرێمی کوردستان بووە، بۆیە پەیوەندییەکی بەهێز لە نێوان حکومەتی هەرێمی کوردستان و ئوسترالیا هەیە.