مەسرور بارزانی: نەورۆز تەنها بۆنەیەک نییە بەڵکو بیرەوەریی لەناوچوونی ستەم و زۆردارییە

ئاڤا نیوز

 

سەرۆکوەزیران مەسرور بارزانی لە ئاهەنگی کردنەوەی ئاگری نەورۆز لە ئاکرێ وتارێکی پێشکەش کرد و ڕایگەیاند، نەورۆز تەنیا بۆنەیەک نییە بۆ هاتنی ساڵێکی نوێ، بەڵکو ئەوەمان بیردەخاتەوە کە ستەم و زۆرداری هەرگیز بەردەوام نابێت.

 

وێنە گەورەکە: ئێوارەی ئەمڕۆ لە ئاکرێی پایتەختی نەورۆز، بە ئامادەبوونی سەرۆک مەسعود بارزانی و سەرۆکوەزیران مەسرور بارزانی، باڵیۆز و کونسوڵ و دیپلۆماتکاری وڵاتان و بەبەشداری دەیان هەزار هاووڵاتیی هەرێمی کوردستان و گەشتیارانی دەرەوە و ناوەوەی عێراق، ئاهەنگی جەژنی نەورۆز و سەری ساڵی کوردی بەڕێوەچوو.

 

لێدوانی فەرمی: مەسرور بارزانی، سەرۆکی حکومەتی هەرێمی کوردستان وتارێکی بەزمانی کوردی و ئینگلیزی پێشکەشکرد و ڕایگەیاند:


- جێی شانازییە لە ئاهەنگی جەژنی نەورۆزی ئەمساڵ، سەرۆک بارزانی لەگەڵمان بەشدارە.

- سوپاسێکی تایبەتی خەڵکی ئاکرێ دەکەین کە هەموو ساڵ لە یادی نەورۆز ئەرکی میوانداریکردن دەگرنە ئەستۆ.

- نەورۆز سەلمێنەری ئەوەیە ستەم و زۆرداری بەردەوام نابێت.

- نەورۆز تەنیا بۆنەیەک نییە بۆ ساڵی نوێ، بەڵکو بیرەوەریی سەرکەوتنی ئازادییە بەسەر ستەمکاری.