قەرەباڵغترین فڕۆکەخانەی ئەوروپا بەهۆی ئاگرکەوتنەوە دادەخرێت

ئاڤا نیوز

کۆمپانیای فڕۆکەوانیی بەریتانی، بریتیش ئێروەیز، ڕایگەیاند بە هۆی ڕووداوی ئاگرکەوتنەوە لە بەشی سووتەمەنیی فڕۆکەخانەی هیسرۆ، فڕۆکەخانەکە داخراوە.

ئەوەی پێویستە بیزانیت: هیسرۆ دەکەوێتە ڕۆژئاوای لەندەن و قەرەباڵغترین فڕۆکەخانەیە لە سەر ئاستی ئەوروپا و داخرانی ئەم فڕۆکەخانەیە کاریگەریی لەسەر سەرجەم چالاکییەکانی فڕۆکەخانەکە و گەشتەکانی هەبووە.

ڕاگەیێنراوی فەرمی: لە ڕاگەیێنراوێکی بریتیشی ئێروەیزدا هاتووە:

- "ئەمە بێگومان کاریگەرییەکی بەرچاوی دەبێت لەسەر کارەکانی ئێمە و سەر گەشتیاران".

- "ئێمە بە خێراترین شێوە کاردەکەین بۆ ئەوەی زانیاری نوێیان پێ بدەین سەبارەت بە بژاردەکانی گەشتەکانیان بۆ 24 کاتژمێری داھاتوو و دواتریش."

هۆکارە زانراوەکان: هێشتا هۆکاری کەوتنەوەی ئاگرەکە ڕوون نەبووەتەوە و لێکۆڵینەوەکانیش لەو بارەوە دەستیان پێکراوە.

زانیاریی زیاتر: ڕۆژانە هەزار و 300 فڕین و نیشتنەوە لەم فڕۆکەخانەیە ئەنجام دەدرێن و ساڵانە زیاتر لە 80 ملیۆن گەشتیار فڕۆکەخانەکە بەکار دێنن.