توركیا داوا لە ئەمریكا دەكات "پاڵپشتییەكانی بۆ پەكەكە" ڕابگرێت

ئاڤا نیوز

تورکیا نیگەرانە لە پاڵپشتییەکانی ئەمریکا بۆ "گەریلاکانی پارتی کرێکاران و شەڕڤانانی یەکینەی پاراستنی گەل" لە ڕۆژئاوای کوردستان، بەرپرسانی تورکیا لە سەردانەکەیان بۆ ئەمریکا ئەم پرسەیان باس کردووە.

وێنە گەورەکە: چەند ڕۆژێکە هاکان فیدان، وەزیری دەرەوەی تورکیا و ئیبراهیم کاڵن بەرپرسی هەواڵگری تورکیا لە ئەمریکان، هەوڵدەدەن ئەمریکا ڕازی بکەن پاڵپشتییە سەربازییەکانی بۆ پەکەکە بوەستێنێت.

ڕاگەیێنراوی فەرمی: بەرپرسێکی تورکیا بە میدیاکانی وڵاتەکەی گوتووە: ئەمریکا بە بیانووی شەڕکردن لەگەڵ داعش بەردەوامە لە پاڵپشتیکردنی  گەریلاکانی پەکەکە/یەپەژە/هەسەدە، ناتوانرێت بە بەکارهێنانی چەکدارانی پەکەکە شەڕی داعش بکرێت. بۆیە شەڕی "تیرۆر بە تیرۆریستان "ناکرێ. 

زانیاریی زیاتر: لە کۆتایی مانگی شووباتدا، فەرماندەی ناوەندیی ئەمریکا (سێنتکۆم) ژەنەڕاڵ مایکل  ئێریک کوریلا سەردانی کەمپی هۆل و ڕۆژی ئاوارەکانی لە سووریا کرد،  کە گەریلاکانی یەپەگە/پەکەکە خانەوادەی تیرۆریستانی داعشیان  تێدا پاراستووە".بەرپرسەکەی تورکیا وای گوتووە.

ئەوەی پێویستە بیزانیت: چاوەڕوانی تورکیا لە وڵاتانی دۆست و هاوپەیمانیان ئەوەیە کە هاوکاری و پشتیوانیەکانیان لە ڕێکخراوی پەکەکە/یەپەگە/هەسەدە ڕابگرن و پاڵپشتی دڵسۆزانە پێشکەش بە تورکیا بکەن. 

باکگراوند: زیاتر لە 35 ساڵەی شەڕ لە نێوان پەکەکە و تورکیا بەردەوامە، تائێستا دەیان هەزار کەس لەهەردوولا و خەڵکی سڤیل بەهۆی بەردەوامیی شەڕەکەوە کوژراون.