کچێکی کورد لە ئیتاڵیا خەڵاتی باشترین توێژەر وەردەگرێت

ئاڤا نیوز

کچێکی کورد کە خەڵکی شاری دهۆکە لە بەرامبەر توێژینەوە لەسەر مۆزەخانە و کولتووری هەرێمی کوردستان، لە ئیتاڵیا خەڵاتی باشترین توێژەر وەردەگرێت.

چیرۆکی سەرەکی: چەنگ تاهیر کچە کوردی شاری دهۆک، دوای ئەنجامدانی توێژینەوە لەسەر مۆزەخانە و شوێنەوار و کولتووری هەرێمی کوردستان و نیشاندانی لە وڵاتی ئیتاڵیا، خەڵاتی باشترین توێژەر وەردەگرێت.

لێدوانى فەرمى: چەنگ تاهیر، خاوەنی توێژینەوەکە بە ئاڤا میدیای ڕاگەیاند: ئەمە جاری یەکەمە توێژینەوە لەسەر کولتوور و مۆزەخانە و شوێنەواری هەرێمی کوردستان لە دەرەوە بکرێت، من بۆ نامەی ماستەرەکەم توێژینەوەم لەسەر مۆزەخانەکانی هەرێمی کوردستان بە گشتی و پارێزگای دهۆک بە تایبەتی کرد. ئامانجم ئەوەبوو بزانم تێڕوانینی خەڵک لەسەر مۆزەخانە چۆنە، دوای ئەوەی توانیم ڕاپرسییەک لەگەڵ 25 کەس ئەنجام بدەم توێژینەوەکەم لە لایەن لیژنەی هەڵسەنگاندنەوە بەرزترین نمرەی پێدرا.

زانیارىی زیاتر: چەنگ، ئامانجی لەو توێژینەوەیە ئەوە بووە کولتووری کوردی لە وڵاتی ئیتاڵیا نیشان بدات و خەڵکی بیانی زیاتر ئاشنای کولتووری کوردی ببن.