بۆ یەکەمجار دوای 18 ساڵ بانکی ناوەندی تورکیا بڕیارێک دەدات

ئاڤا نیوز

بانکی ناوەندی تورکیا دوای 18 ساڵ، 50 ملیار لیرە تەرخان دەکات بۆ کۆنترۆڵکردنی بەهای لیرە.

 

وێنە گەورەکە: بەهای لیرەی تورکی بەرامبەر بە دراوە سەرەکییەکانی وەک دۆلار و یۆرۆ و بەشێک لە دراوەکانی دیکە بەردەوامە لە دابەزین. ئەمە بووەتە هۆی بەرزبوونەوەی هەڵاوسان و کاریگەری نەرێنی لەسەر هاوڵاتیان، کۆمپانیاکان و حکومەت دروست کردووە. حکومەتی تورکیا بەردەوامە لە گرتنەبەری رێوشوێنی جیاواز بۆ کۆنترۆڵکردنی ئەم بارودۆخە.

 

ئەوەی ئێستا روودەدات: دوای 18 ساڵ لەم بڕیارە، بانکی ناوەندی تورکیا جارێکی دیکە پەنا دەباتە بە ڕێگەیەک کە بە "تەندەری نەختینەیی" ناسراوە. بەم ڕێگەیە بانکەکە ئامانجیەتی ئەو بڕە لیرە زۆرەی لە بازاڕ هەیە لەرێگەی ئەم بڕیارە ڕایبکێشێتەوە بۆ خەزێنەی دەوڵەت.

 

کاریگەریی بڕیارەکە: بەمشێوەیە بانکەکە دەتوانێت کاریگەری لەسەر بەهای لیرە دروست بکات و خواستی بازاڕ بۆ کڕینی دراوی بینای کەم بکاتەوە. لەبەر ئەوەی کەمبوونەوەی بڕی لیرە لە بازاڕ کاریگەری دەکاتە سەر کەمکردنەوەی خواست بۆ کڕینی دراوی بیانی و بەهای لیرە دادەبەزێت. لە ئێستادا بانکەکە بڕی 50 ملیار لیرەی بۆ ئەم پرۆژەیە تەرخانکردووە و ئۆفەرەکان بەشێوەی بۆند بۆ ماوەی 91 رۆژ لەلایەن بانکی ناوەندی تورکیاوە دەردەچێت. 

 

باکگراوند: دواجار لە مانگی تەمموزی ساڵی 2007 بوو بانکی ناوەندی ئەو وڵاتە پەنای بۆ ئەم ڕێگەیە برد بۆ پاراستنی بەهای لیرە بەرامبەر بە دراوەکانی دیکە. ئێستا ئەو بانک و کۆمپانیا نێوەندگیرانەی کە ڕێککەوتنیان لەگەڵ بانکی ناوەندی هەیە دەتوانن بەشداری لەم ئۆفەرە بکەن و سوود لەم بڕیارەی بانکی ناوەندی وەربگرن.