سەرۆكوەزیران مەسرور بارزانی و سەرۆکی دەزگای وەبەرهێنانی قەتەر کۆبوونەوە

ئاڤا نیوز

لەمیانەی سەردانە فەرمییەكەی بۆ دەوحەی پایتەختی وڵاتی قەتەر، سەرۆكوەزیران مەسرور بارزانی، لەگەڵ سەرۆكی دەزگای وەبەرهێنانی قەتەر كۆبووەوە.

چیرۆكی سەرەكی: ئەمڕۆ دووشەممە 24-3-2025، سەرۆكوەزیران مەسرور بارزانی، لە چوارچێوەی سەردانەکەیدا بۆ قەتەر، لە دەوحە لەگەڵ شێخ بەندەر بن محەمەد ئال سانی، سەرۆکی دەزگای وەبەرهێنانی قەتەری کۆبووەوە.

زانیاریی زیاتر: لە کۆبوونەوەکەدا کە محەممەد ئەلسوەیدی، سەرۆکی ئەنجوومەنی بەڕێوەبردنی دەزگاکە ئامادە بوو، جەخت لە گرنگیی پەرەپێدانی پەیوەندی دوولایەنە لە بوارەکانی وەبەرهێنان و وزە و ژێرخانی ئابووری و چاکسازیکردن لە سیستەمی بانکی کرایەوە.