وەزارەتی دارایی: سبەی مووچەی مانگی سێ لە بەغداوە دەگات

ئاڤا نیوز

 

وەزارەتی دارایی و ئابووری هەرێمی کوردستان ڕایگەیاند، کەمێک لەمەوبەر ڕێکارەکانی ناردنی مووچەی مانگی سێ تەواو بووە و سبەی پارەکە دەخرێتە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق.

 

ڕاگەیێنراوی فەرمی: وەزارەتی دارایی و ئابووری لە ڕاگەیاندراوێکدا لە بارەی ناردنی پارەی مووچەخۆران هەرێمی کوردستان لە بەغداوە ڕایگەیاند، کەمێک لەمەوبەر ڕێکارەکانی تەمویلکردنی مووچەی فەرمانبەرانی هەرێمی کوردستان تەواو کرا کە بڕەکەی 954 ملیار و 880 ملیۆن و 467 ملیۆن و 779 دینارە.

 

- وەزارەتی دارایی ئەوەشی ڕاگەیاندووە، بڕیارە سبەی پارەکە بخرێتە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق.

 

زانیاریی بەدەستهاتوو: هەر لەبارەی ڕاگەیاندنی لیستی دابەشکردنی مووچەی فەرمانبەران، سەرچاوەیەک لە وەزارەتی دارایی بە ئاڤای ڕاگەیاند، "خشتەی دابەشکردنی مووچە لەگەڵ مانگی ڕابردوو گۆڕانکارییەکی ئەوتۆی تێدا ناکرێت، هەرکات پارە گەیشت هەماهەنگییەک لەگەڵ تیمی هەژماری من دەکەین بۆ ئەوەی چەند مووچە ئەم مانگە لەڕێگای هەژماری منەوە خەرج دەکرێت و چەندی بە کاش دەبێت، ئەو وردەکارییانەش ئاسانن و لەگەڵ گەیشتنی پارە خشتەی دابەشکردنی مووچە ڕادەگەیێنین، بە چەند ڕۆژێکیش مووچەی هەموو وەزارەتەکان دابەش دەکرێت".