بڕیاری دوورخستنەوەی سەرۆکی ئەنجوومەنی پارێزگای دیالە ڕادەگیرێت

ئاڤا نیوز

دادگای کارگێڕی بە فەرمانێکی سالاری بڕیاری دوورخستنەوەی سەرۆکی ئەنجوومەنی پارێزگای دیالە لە پۆستەکەی ڕادەگرێت و سەرۆکی ئەنجوومەنەکەش دەگەڕێتەوە سەر کارەکەی.

 

ئەوەی پێویستە بیزانیت: ئەنجوومەنی پارێزگای دیالە بۆ تۆمەتی تێوەگلان لە دۆسییەکانی گەندەڵی دارایی و ئیداری و بەکارهێنانی دەسەڵاتەکانی بۆ بەدەستهێنانی سەروەت و سامان. متمانەی لە عومر ئەلکروی، سەرۆکی ئەنجوومەنی پارێزگای دیالە سەندەوە.

 

نووسراوی فەرمی: بەگوێرەی نووسراوێکی دادگای کارگێڕی کە وێنەیەکی دەست ئاڤا میدیا کەوتووە، پاڵپشت بەو داواکارییەی کە پێشکەشی دادگاکە کرابوو بۆ دەرکردنی فەرمانێکی سالاری بۆ ڕاگرتنی بڕیاری دوورخستنەوەی عومر ئەلکروی، سەرۆکی ئەنجوومەنی پارێزگای دیالە تاوەکو دۆسیەکەی لە دادگا یەکلایی دەبێتەوە، دادگای کارگێڕی لەسەر ئەو داوایە بڕیاریدا فەرمانە کارگێڕییەکە ڕابگیرێت تاوەکو دۆسیەکە یەکلا دەبێتەوە.

 

چی ڕوویدا: ڕۆژی یەکشەممە 2025-3-23، ئەنجوومەنی پارێزگای دیالە کۆبووەوە، لە کۆبوونەوەکە گوێیان لە وەڵامەکانی سەرۆکی ئەنجوومەن گرت لەسەر ئەو پرسیارانەی ئاراستەیان کردبوو، بەڵام ئەندامانی ئەنجوومەنەکە بڕویان بە وەڵامەکانی نەهێنا و بە کۆی دەنگ بڕیاری سەندنەوەی متمانەیان لە سەرۆکایەتی ئەنجوومەنەکە داو نزار لهێبی، بە سەرۆکی نوێی ئەنجوومەن هەڵبژاردرا.

 

لەلایەکی دیکەوە: پێش سێ هەفتە بە هەمان شێوە ئەحمەد حاسوود، سەرۆکی ئەنجوومەنی پارێزگای نەینەوا لە پۆستەکەی دوورخرایەوە، دوای چوار ڕۆژ دادگای کارگێڕیی عێراق، بڕیاری دوورخستنەوەی حاسوودی ڕاگرت، تاوەکو دۆسیەکەی لە دادگا یەکلادەبێتەوە.