لە عێراق جۆرە جاڵجاڵۆکەیەکی دەگمەن دەدۆزرێتەوە

ئاڤا نیوز

 

زانکۆی زیقار بە هاوکاری زانکۆی تورکۆی فینلەندی جۆرێکی نوێی جاڵجاڵۆکەیان دۆزیوەتەوە کە زۆر دەگمەنە لە جیهاندا. 

 

بۆچی گرنگە: دۆزینەوەی ئەم جاڵجاڵۆکەیە پێگە و ڕیزبەندی زانکۆی زیقار لەسەر ئاستی زانکۆکانی جیهان بەرزدەکاتەوە و ڕێگە خۆش دەکات بۆ بەشداربوونی ئەو تیمەی ڕۆڵی دۆزینەوەی ئەم زیندەوەرەیان هەبوو لە سیمینار و کۆنفرانسە زانستییە نێودەوڵەتییەکان.

 

ڕاگەیێنراوی فەرمی: زانکۆی زيقار لە بەیاننامەیەکدا ڕایگەیاند: کۆمەڵێک مامۆستای کۆلێژی پەروەردەی زانستیی زانکۆی زیقار بە هاوکاری زانکۆی تورکۆی فینلەندی توانییان جۆرێکی نوێ و دەگمەنی جاڵجاڵۆکە بدۆزنەوە و ناوییان لێنا جاڵجاڵۆکەی [ئوور 2025]، ئەمەش وەک ڕێزێک بۆ شارستانیەتی کۆنی ئوور لە ناوچەکەدا.

 

زانیاریی زیاتر: بەیاننامەکە ئاماژە بەوە دەکات، چەندین نمونەی نێر و مێی ئەم جۆرە نوێیە لە پارێزگای زیقار بە تایبەتی لە ناوچەکانی شەترە و ناسرییە کۆکراونەتەوە. 

 

ئەمەش بزانە: وێنەکانی جاڵجاڵۆکەی ئوور لە بەرگی ژمارەی ئێستای گۆڤاری ئاراکنۆلۆجی بەریتانی تایبەت بە زانستی جاڵجاڵۆکە دانراوە، کە لە ساڵی 1958 دامەزراوە.