پارەی مووچەی مانگی سێ خرایە سەر هەژماری وەزارەتی دارایی

ئاڤا نیوز

ئەمڕۆ تەمویلی مووچەی مانگی سێی مووچەخۆرانی هەرێمی کوردستان کرا، سەرچاوەیەکی باڵا لە وەزارەتی دارایی و ئابووری بە ئاڤای ڕاگەیاند، لە سێ ڕۆژدا مووچەی سەرجەم مووچەخۆران دابەش دەکرێت.

 

وێنە گەورەکە: ڕۆژی 25-3-2025، محەممەد شیاع سودانی، سەرۆکوەزیرانی عێراق، لە کۆبوونەوەی ئەنجوومەنی وەزیران، وەزیری دارایی بۆ تەمویلکردنی مووچەی مانگی سێی مووچەخۆرانی هەرێمی کوردستان ڕاسپارد، بۆیە هەمان ڕۆژ وەزارەتی دارایی واژۆی لەسەر تەمویلکردنی پارەکە کرد.

 

زانیاریی تایبەت: سەرچاوەیەکی باڵا لە وەزارەتی دارایی و ئابووری حکومەتی هەرێمی کوردستان بە ئاڤا میدیای ڕاگەیاند: ئەمڕۆ چوارشەممە کە پارەکەمان وەرگرتووە، خشتەی مووچە بڵاودەکەینەوە، پارەکەش بەسەر بانکەکان دابەش دەکەین.

 

زانیاریی بەدەستهاتوو: سەرچاوەکەی وەزارەتی دارایی و ئابووری وتیشی: لە دوای وەرگرتنی پارەکە لەسەر ئەو بنەمایە خشتەکە دانراوە کە لە سێ ڕۆژدا مووچەی سەرجەم مووچەخۆران دابەش بکەین، واتە لە ڕۆژی پێنجشەممە دەستپێدەکەین تاوەکو ڕۆژی عەرەفە هەمووی دابەش دەکەین، واتە خشتەی مووچە گۆڕانکاری بەسەردا دێت و وەکو مانگی پێشوو نابێت، چونکە خشتەی مانگی دوو بۆ چوار ڕۆژ بوو.