عومرەکارێکی دیکەی کورد لە سعودیە گیانی لەدەست دا

ئاڤا نیوز

 

بەڕێوەبەرایەتی گشتیی حەج و عومرەی هەرێمی کوردستان، گیانلەدەستدانی عومرەکارێکی دیکەی لە سعودیە ڕاگەیاند.

 

ڕاگەیێنراوی فەرمی: بەڕێوەبەرایەتیی گشتیی حەج و عومرەی هەرێمی کوردستان بە ئاڤا میدیای ڕاگەیاند: شەوی 25-3-2025، ئازاد ڕەحیم کریم باجەڵان، کە دانیشتووی ئیدارەی سەربەخۆی گەرمیانە، لە شاری مەککە گیانی لەدەست دا.

 

زانیاریی زیاتر: عومرەکارەکە تەمەنی 48 ساڵە و بە ئۆتۆمبێلی خۆی بۆ بەجێگەیاندنی سونەتی عومرە سەردانی سعودیەی کردووە، بەشێوەیەکی کتوپڕ گیانی لەدەست داوە و هەر لەوێش بەخاکیان سپاردووە.

 

ئەوەی پێویستە بیزانیت: لە سەرەتای ئەمساڵەوە تاوەکو ئێستا 10 عومرەکاری کوردستان لە سعودیە گیانیان لەدەست داوە.