داوایەک ئاراستەی ئەو فەرمانبەرانە دەکرێت کە زەوی وەردەگرن

ئاڤا نیوز

دامودەزگەکانی حکومەتی هەرێمی کوردستان داوایەک ئاراستەی ئەو فەرمانبەرانە دەکەن کە ناویان بۆ وەرگرتنی زەوی گەڕاوەتەوە.

وێنە گەورەکە: پرۆسەی دابەشکردنی زەوی لە سەرانسەری هەرێمی کوردستان بەردەوامە، ناوی هەزاران فەرمانبەر و خانەنشین لە ئەنجوومەنی وەزیران پەسەندکراوە و گەڕاوەتەوە وەزارەتی شارەوانی، لە ڕۆژانی داهاتوو ناوەکان دەگەڕێنرێنەوە سنووری شارەوانییەکان، بە دابینکردنی پارچە زەوییەکانیش دەست بە دابەشکردنی دەکرێت.

زانیاریی بەدەستهاتوو: ئاڤا میدیا زانیویەتی کە دامودەزگەکان بە گشتاندنێک داوایان لە فەرمانبەرەکانیان کردووە، لە ڕۆژانی داهاتوودا ئەو پێداویستییانە بۆ وەرگرتنی زەوی ببەنە فەرمانگەکانیان کە داوایان لێ کراوە.

ئەوەی پێویستە بیزانیت: بەشێکی دامودەزگەکان ئەم داواکارییانەیان ئاراستەی فەرمانبەرانیان کردووە:

یەکەم: ئەوانەی هاوسەگیرییان کردووە، پێویستە کارتی نیشتمانی (ڕەنگاوڕەنگ) ژن و مێرد بهێنن.

دووەم: ئەوەی هاوسەرەکەی کۆچی دوایی کردووە پێویستە (وەفاتنامە)ـی پەسەندکراو بهێنێت.

سێیەم: ئەوەی کە جیابووەتەوە بەڵگەنامەی جیابوونەوەی پەسەند کراو بهێنێت (ڕەنگاوڕەنگ).

چوارەم: ئەوەی کە سەڵتە کارتی نیشتمانی و پسووڵەی خۆراک و کارتی نیشتمانی دایکی یان برای نهینێت.