مووچەی مانگی سێی مامۆستایانی گرێبەست دابەش دەكرێت

ئاڤا نیوز

ڕۆژی شەممە مووچەی مانگی سێی مامۆستایانی گرێبەست دابەش دەكرێت، بەمەش لەماوەی كەمتر لە 10 ڕۆژ دوو مووچە وەردەگرن.

وێنە گەورەكە: لەگەڵ تەمویلكردنی مووچەی مانگی سێی فەرمانبەرانی هەرێمی كوردستان و ڕاگەیاندنی لیستی مووچە، مامۆستایانی گرێبەستی سەر بە 37 پەروەردە، بەر لە جەژنی ڕەمەزان مووچەكانیان وەردەگرن.

لێدوانی فەرمی: عەلی ڕەئوف، نوێنەری گشتیی مامۆستایانی گرێبەست بە ئاڤای ڕاگەیاند، وەك پێشتر بەڵێنمان دابوو، هەموو هەوڵەكان بۆ ئەوەیە مامۆستایانی گرێبەست هاوشێوەی مامۆستایانی هەمیشەیی و فەرمانبەرانی میلاكی وەزارەتی پەروەردە، بەر لە جەژن مووچەكانیان وەربگرن و خۆشبەختانە هەوڵەكان بە ئەنجام گەیشت.

زانیاریی زیاتر: مامۆستایانی گرێبەست ئەوانەی خاوەنی بڕوانامەى دیبلۆمن، مووچەکانیان 400 هەزار دینارە و ئەوانەى بڕوانامەى بەکالۆریۆسیان هەیە 500 هەزار دینارە و كۆی خەرجیى مانگانەی مووچەكانیان 19 ملیار دینار زیاترە.