خانەنشینانی نوێ چوار مووچە بەیەکەوە وەردەگرن

ئاڤا نیوز

سبەی پێنجشەممە لەگەڵ دابەشكردنی مووچەی خانەنشینانی شارستانی، خانەنشینانی نوێ بۆ یەکەمجار مووچە وەردەگرن، قەرەبووی مانگەکانی ڕابردووش دەکرێنەوە و بەشێکیان چوار مووچە بەیەکەوە وەردەگرن.

ئەوەی پێویستە بیزانیت: بەهۆی تەواونەبوونی مامەڵەكانیان، خانەنشینانی نوێ کە ژمارەیان زیاتر لە 25 هەزار کەسە، ئەوانەی تەمەنیان 60 و 61 و 62 ساڵە، چەند مانگێکە مووچەیان وەرنەگرتووە.

لێدوانی فەرمی: سەرچاوەیەك لە بەڕێوەبەرایەتیی گشتیی خانەنشینی بە ئاڤای ڕاگەیاند، بەشێکی خانەنشینان مووچەی مانگەکانی 11ـی ساڵی ڕابردوو و مانگەكانی یەك و دووی ئەمساڵیان وەرنەگرتووە، سبەش لەگەڵ مووچەی مانگی سێ، مووچەی هەرچوار مانگەکە بەیەکەوە وەردەگرن.

زانیاریی یاتر: بەشێکی دیکەش سێ مووچە و  دوو مووچە بەیەكەوە وەردەرگرن، بەشێکیان مانگی یەک خانەنشین بوونە، بەشێکی دیکەشیان مانگی دوو خانەنشین بوونە.

لەلایەکی دیکەوە: بڕیارە دوای جەژنی ئەو خانەنشینە نوێیانەی خزمەتیان لە 25 ساڵ زیاترە، 12 مووچەکەی ئیکرامییەیان پێبدرێت، بەڵام تاوەکو ئێستا لە بەغداوە پارەیان بۆ نەنێردراوە.