کۆمیسیۆن: ناوەندەکانی تۆماری بایۆمەتری هەموو ڕۆژانی هەفتە کراوە دەبن

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق ڕایگەیاند، بەمەبەستی گەرەنتیکردنی مافی بەشداریی زۆرترین هاووڵاتی لە دەنگدان، ناوەندەکانی تۆماری بایۆمەتری هەموو ڕۆژانی هەفتە و لەناویاندا ڕۆژانی هەینی و شەممەش بەردەوام کراوە دەبن.

 

وێنە گەورەکە: بڕیارە کۆتایی ئەمساڵ هەڵبژاردنی پەرلەمانی عێراق بەڕێوەبچێت، ڕۆژی چوارشەممەش کۆمیسیۆنی باڵای سەربەخۆی هەڵبژاردنەکان دەستپێکردنی ئامادەکارییەکانی بۆ ئەو هەڵبژاردنە ڕاگەیاند.

 

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق ئەمڕۆ پێنجشەممە لە پەیامێکدا بۆ هاووڵاتیان ئاماژەی بەوەکرد، جگە لە ڕۆژانی پشووی جەژنی ڕەمەزان، سەرجەم ناوەندەکانی تۆماری بایۆمەتری هەموو ڕۆژانی هەفتە و لەناویاندا ڕۆژانی هەینی و شەممە لە کاتژمێر 8:00ی بەیانی تاوەکو کاتژمێر 5:00ی ئێوارە کراوە دەبن، ئەویش بە ئامانجی پێشوازیکردن لە هاووڵاتیان بۆ گەرەنتیکردنی مافی بەشداریکردنیان لە هەڵبژاردنەکان.