یەکەم لێدوانی سوودانی لەبارەی بەشداریکردنی لە هەڵبژاردنی پەرلەمانی عێراق

ئاڤا نیوز

سەرۆکوەزیرانی عێراق ڕایگەیاند، هەندێک لایەن هەموو ڕێگایەک دەگرنەبەر تا پێگەی ئەو لە هەڵبژاردندا لاواز نیشان بدەن، جەختیشیکردەوە کە بەرنامەی هەیە بە هاوپەیمانێتییەکی سیاسی بەشداری هەڵبژاردنی ئەمساڵی پەرلەمان بکات.

چیرۆکی سەرەکی: بڕیارە کۆتایی ئەمساڵ هەڵبژاردنی پەرلەمانی عێراق بەڕێوەبچێت، دوێنێش کۆمیسیۆنی باڵای سەربەخۆی هەڵبژاردنەکان دەستپێکردنی ئامادەکارییەکانی بۆ ئەو هەڵبژاردنە ڕاگەیاند.

لێدوانی فەرمی: محەممەد شیاع سوودانی، سەرۆکوەزیرانی عێراق لە چاوپێککەوتنێکدا لەگەڵ کەناڵی دیجلە ئەوەی خستووەتەڕوو، پڕۆژەی بۆ پێکهێنانی هاوپەیمانێتییەکی سیاسی بۆ بەشداریی لە هەڵبژاردنەکانی داهاتوو هەبووە و ئێستاش ئەو پڕۆژەیەی هەر ماوە.

هەندێک لایەن هونەر و شێواز و ڕێگای جیاواز بەکاردەهێنن بۆ ئەوەی ڕۆڵی ئەو لە هەڵبژاردنەکان کەمبکەنەوە و پێگەی لاواز نیشان بدەن.