یەکێتیی ئەوروپا داوا لە دانیشتوانی دەکات خواردن کۆگا بکەن

ئاڤا نیوز

یەکێتی ئەوروپا داوا لە وڵاتانی ئەندام لە یەکێتییەکە دەکات، کەلوپەل و پێداویستی کۆگا بکەن وەک ئامادەکارییەک بۆ ڕووبەڕووبوونەوەی قەیرانە چاوەڕوانکراوەکان.

وێنە گەورەکە: یەکێتیی ئەوروپا داوا لە وڵاتانی ئەندامی دەکات بە هاووڵاتیانیان بڵێن تا "سەبەتەی فریاکەوتن" بۆ ماوەی 72 کاتژمێر ئامادە بکەن. ئەم سەبەتەیە خۆراک و ئاو و کۆپی ناسنامەی کەسەکان لە خۆ دەگرێت تا کەسەکەی پێ بناسرێتەوە.

ئەمەش بزانە: یەکێتیی ئەوروپا داوای کردووە کە هاووڵاتیانی یەکێتییەکە کەلوپەل و پێداویستیی کە بەشی سێ ڕۆژ بکات کۆگا بکەن، ئەمەش لە چوارچێوەی ستراتیژیی ئامادەکارییەکانە بۆ ڕووبەڕووبوونەوەی قەیرانە چاوەڕوانکراوە نوێیەکان.

- یەکێتیی ئەوروپا دەیەوێت کۆگاکانی کەلوپەلە پێویستیەکان زیاد بکات و هاوکاریی نێوان کەسانی سەربازی و کەسانی مەدەنی، بە تایبەتیش لە کاتی قەیرانەکاندا زیاتر بکات.

ئەوەی پێویستە بیزانیت: ئەم پلانە ئامادەکارییە بۆ قەیرانەکانی وەک کارەساتە سرووشتییەکان، گۆڕانەکانی ئاووهەوا، پەیتا و نەخۆشییە گوێرزاراوەکان، کارەساتە پیشەسازییەکان یان هێرشە ئەلکترۆنی و سەربازییەکان.