پووتین داوای ئیدارەیەکی نێودەوڵەتی بۆ ئۆکراینا دەکات

ئاڤا نیوز

ڤلادیمیر پووتین، سەرۆکی ڕووسیا داوا دەکات "ئیدارەیەکی ڕاگوزەر" بۆ ئۆکراینا درووست بکرێت و بخرێتە ژێر چاودێریی ئاژانسەکانی نەتەوە یەکگرتووەکانەوە.

لێدوانی فەرمی: پووتین ڕایگەیاند، ئامانجی ئەم پێشنیازەی ئەوەیە کە ئیدارەکە بتوانێت هەڵبژاردنێکی "دیموکراتییانە" لە ئۆکراینا ڕێک بخات و دواتریش دەستەڵاتدارانی نوێی ئەو وڵاتە دانوستانەکانی پەیوەست بە ئاشتی لەگەڵ ڕووسیا دەست پێبکەن.

- سەرۆکی ڕووسیا ئەوەشی گوتووە کە وڵاتەکەی دەتوانێت ئەم بابەتە لەگەڵ ئەمریکا، وڵاتانی ئەوروپا و هەروەها دۆست و هاوبەشە ڕووسییەکان تاوتوێ بکات.

ئەوەی پێویستە بیزانیت: ئەم پێشنیازەی پووتین لەکاتێکدایە کە هەوڵەکانی ئەمریکا بۆ گەیشتن بە ئاگربەست لە نێوان ڕووسیا و ئۆکراینا بەردەوامە.