کۆنگرێسمانێکی ئەمریکی داوای هەڵوەشاندنەوەی حەشدی شەعبی دەکات

ئاڤا نیوز

جۆی ویڵسن، سیناتۆری کۆمارییەکان، ڕەخنە لە پڕۆژە یاسای تایبەت بە هێزەکانی حەشدی شەعبی دەگرێت و بە "گاڵتەجاڕی" ناوی دەبات.

بڵاوکراوەی فەرمی: ویڵسن لە تۆڕی کۆمەڵایەتیی ئێکس نووسیویەتی، عێراق ناتوانێت بە دەرکردنی یاسا بۆ هێزەکانی حەشدی شەعبی کەس بخەڵەتێنێت، چونکە دیارە ئەو هێزە لەلایەن ئێرانەوە پاڵپشتی دەکرێت.

- ئەو سیناتۆرەی کۆمارییەکان داوا دەکات هەموو هێزەکانی حەشدی شەعبی و هێزەکانی دیکە کە ئێران پاڵپشتییان دەکات هەڵبوەشێنرێنەوە. ئەو هەروەها دەڵێت "ترەمپ ئەمە چارەسەر دەکات."

دەقی نووسینەکە:

"عێراق ناتوانێت بە یاسای هێزەکانی حەشدی شەعبی  کەس فریو بدات؛ ئەوە گاڵتەجاڕییەکە و ڕەنگە بارودۆخەکە خراپتر بکات بە دروستکردنی زنجیرەیەکی فەرماندەیی جیاواز بۆ ئەو میلیشیایانەی کە ئێران پاڵپشتییان دەکات. دەبێت هێزەکانی حەشدی شەعبی و هەموو میلیشیا ئێرانییەکان بە تەواوی هەڵبوەشێنرێنەوە! ترەمپ چارەسەری دەکات."