سوودانی : هەندێک کەسم تووشی هێستریا کردووە

ئاڤا نیوز

سەرۆکوەزیرانی عێراق ئاشکرایکرد، لە پەرلەمانی داهاتوو فڕاکسیۆنێکی تایبەتم دەبێت و لەبەرامبەردا هەندێک کەس لەئێستاوە تووشی هیستریا بوونە.

لێدوانی فەرمی: محەممەد شیاع سوودانی، سەرۆکوەزیرانی عێراق لە چاوپێکەوتنێکی تەلەڤیزیۆنیدا ڕایگەیاند: لە کاری سیاسی خۆمان بەردەوام دەبین و پڕۆژەیەکی ڕوون و ئاشکرامان هەیە، هێڵی سووریشمان نیە بۆ هەر کەس و لایەنێک کە پەیوەندی بە پڕۆژە سیاسییەکەمانەوە بکات.

- هیچ بەرژەوەندییەک بۆ هەموارکردنەوەی یاسای هەڵبژاردنەکان نییە، تەنیا ئەوە نەبێت کە کەسانێک هەن هەوڵدەدەن چانسی بردنەوەم لە هەڵبژاردنەکاندا کەم بکەنەوە.

- سەبارەت بە حەشدی شەعبی، ڕەنگە واشنتن تێبینی لەسەر هەندێک بابەت هەبێت، بەڵام دەستوەرنادات لەبڕیارەکانمان و هەر هەڵوێستێک بەرامبەر حەشدی شەعبی ڕێگەپێدراو نییە.

- دوای پێکهێنانی حکومەت باسی هەڵوەشاندنەوەی گرووپە چەکدارەکانی بەرەی مقاوەمەمان کردووە ئەو بابەتەش پەیوەستە بە کشانەوەی هێزەکانی هاوپەیمانی نێودەوڵەتی لە عێراق.