سوپای سوودان خەرتوومی بە تەواویی کۆنترۆڵکردەوە

ئاڤا نیوز

سوپای سوودان کۆنترۆڵکردنەوەی تەواوەتیی خەرتوومی پایتەختی وڵاتەکەی ڕاگەیاند.

وێنە گەورەکە: ئەمەش لە کاتێکدایە کە هەفتەیەک لەمەو پێش سوپا توانی کۆشکی سەرۆکایەتیی وڵات لە خەرتووم کۆنترۆڵ بکاتەوە و لە ژێر دەستی میلیشیاکانی هێزەکانی پشتیوانیی خێرای دەربهێنێت.

لێدوانی فەرمی: نەبیل عەبدوڵڵا، وتەبێژی سوپای سوودان، لە بەیاننامەیەکدا ڕایگەیاند، هێزەکانیان توانیویانە بە سەرکەوتوویی و بە بەهێزی دوایەمین شانەکانی هێزەکانی پشتیوانی خێرا لە ناو خەرتووم لەناو ببەن.

ئەوەی پێویستە بیزانیت: لە نیسانی 2023ـەوە شەڕی ناوخۆی سوودان لە نێوان سوپای ئەو وڵاتە و هێزەکانی پشتیوانیی خێرا سەریهەڵداوە.