هێرشەکانی ئەمریکا بۆ سەر حووسییەکان بەردەوامن

 

ئاڤا نیوز

سوپای ئەمریکا لە هێرشەکانی بۆ سەر حووسییەکانی یەمەن بەردەوامە و بەرەبەیانی ئەمڕۆ، چەندین پێگەی حووسییەکانی لە سەنعای پایتەخت و ناوچەکانی دیکەی ژێر کۆنترۆڵیان بۆردومان کرد.

وێنە گەورەکە: بە فەرمانی دۆناڵد ترەمپ، ئەمریکا ماوەی دوو هەفتەیە هێرشەکانی بۆ سەر حووسییەکانی یەمەن دەستپێکردووە، تائێستا لە ئەنجامی هێرشەکان چەندین سەرکردەی ئەو بزووتنەوەیە کوژراون، دیارترینیان برای سەرۆکی بزووتنەوەکەیە.

زانیاریی زیاتر: بە گوێرەی سەرچاوەکان، ئەمریکا زیاتر لە 40 هێرشی ئاسمانی بۆ سەر حووسییەکان ئەنجام داوە و هەر لەم هێرشانەدا فڕۆکەخانەی سەنعای بۆردومان کردووە.

ئەوەی پێویستە بیزانیت: دووبارە دەستپێکردنەوەی ئەم هێرشانە لە کاتێکدایە کە ترمپ ڕایگەیاندبوو لەگەڵ ئەوەدا حووسییەکان داوای دانوستان و ئاگربەست دەکەن، بەڵام هێرشەکانی ئەمریکا بۆ سەریان بەردەوام دەبێت و زیانی گەورەیان پێدەگەیێنێت.

ئەمەش بزانە: ئەمریکا حووسییەکان تۆمەتبار دەکات کە لەلایەن ئێرانەوە پاڵپشتی دەکرێن و هێرش دەکەنە سەر بەرژەوەندییەکانی ئەمریکا و ئیسرائیل لە دەریای سوور.