لە ڕۆژانی جەژن بارانبارین دەستپێدەکاتەوە

ئاڤا نیوز

 

بەگوێرەی پێشبینییەکانی کەشوهەوا لەماوەی ڕۆژانی جەژنی ڕەمەزاندا ئاسمانی هەرێمی کوردستان نیمچە هەور و هەوری تەواو دەبێت لەگەڵ هاتنی شەپۆلێکی بارانبارین. 

 

چیرۆکی سەرەکی: بەگوێرەی پێشبینییەکانی کەشوهەوا ڕۆژانی جەژن لە ناوچە شاخاوییەکانی هەولێر و دهۆک و گەرمیان ڕێژەی دابارین لەو ناوچانە زیاتر دەبێت و خێرای باش چالاکتر دەبێت. 

 

ڕاگەیێنراویی فەرمی: بەڕێوەبەرایەتی گشتیی بوومەلەرزەزانی لە هەرێمی کوردستان ڕایگەیاند، هاوکات لەگەڵ زیادبوونی ڕێژەی دابارین، خێرای با لە هەندێک ناوچەش دەگاتە 30 کیلۆمەتر لە کاتژمێرێکدا.

 

-  هاوکات ڕۆژی دووشەممە نمەباران و هەورە بروسکەی بەردەوام دەبێت بەتایبەت لەناوچە شاخاوییەکان و ناوچەی گەرمیان و بەشی ڕۆژهەڵات، لەدوا نیوەڕۆی هەمان ڕۆژ شەپۆلەکە کۆتایی دێت و پلەکانی گەرما سێ پلە نزم دەبنەوە.  

ئەوەی پێویستە بیزانیت: پێشبینی دەکرێت بارانبارینی ئەم دوو ڕۆژەی جەژن زیاتر ناوچە شاخاوییەکانی دهۆک و هەولێر و گەرمیان  بگرێتەوە.