پەیامێک لە مەسرور بارزانییەوە بە بۆنەی جەژن

 

ئاڤا نیوز

سەرۆکوەزیران مەسرور بارزانی بەبۆنەی جەژنی ڕەمەزانی پیرۆز پەیامێکی بڵاوکردەوە و هیواخوازە بنەماکانی تەبایی و بەیەکەوەژیانی ئاشتییانە و برایەتی لە نێوان پێکهاتەکانی گەلەکەمان و گەلانی جیهاندا بەهێزتر ببێت.

چیرۆکی سەرەکی: لیژنەی باڵای بینینی مانگ لە وەزارەتی ئەوقافی حکومەتی هەرێمی کوردستان سبەی یەکشەممەی وەک یەکەم ڕۆژی جەژنی ڕەمەزانی پیرۆز دیاریکرد کە هاوتای بەشێکی وڵاتانی جیهانە.

پەیامی فەرمی: سەرۆکوەزیران مەسرور بارزانی لە پەیامێکدا دەڵێت، "بە بۆنەی هاتنی جەژنی پیرۆزی ڕەمەزان، گەرمترین پیرۆزبایی لە گشت موسڵمانانی کوردستان و عێراق و جیهان دەکەم، بە تایبەتی پیرۆزبایی لە پێشمەرگە قارەمانەکان و هێزەکانی  ئاسایشی ناوخۆ و کەسوکاری سەربەرزی شەهیدان و ئەنفالکراوان دەکەم."

لە خوای مەزن نزاکارین کە ڕۆژوو و خواپەرستیی هەمووان قبوڵ بکات و هیوادارین بنەماکانی تەبایی و بەیەکەوەژیانی ئاشتییانە و برایەتی لە نێوان پێکهاتەکانی گەلەکەمان و گەلانی جیهاندا بەهێزتر ببێت و زیاتر گەشە بکات.