یەکەم ڕۆژی جەژنی ڕەمەزان بێ ڕووداوی هاتووچۆ تێپەڕ نەبوو

ئاڤا نیوز

ئەمڕۆ لە بەیانی زووەوە لەگەڵ دەستپێکی یەکەم ڕۆژی جەژن کۆمەڵێک ڕووداوی هاتووچۆ ڕوویاندا و زیانی ماددی و گیانی زۆری لێ کەوتووەتەوە.

چیرۆکی سەرەکی: لە یەکەم ڕۆژی جەژن، تەنیا لەماوەی شەش کاتژمێردا، بەهۆی ڕووداوەکانی هاتووچۆوە لە شاری سلێمانی 21 بریندار گەیێنراونەتە بەشی فریاکەوتنی نەخۆشخانەی شار و دوو هاونیشتمانیش گیانیان لەدەستداوە.

ڕاگەیێنراوی فەرمی: بەگوێرەی ڕاگەیێنراوی بەڕێوەبەرایەتی گشتی تەندروستی سلێمانی لە کاتژمێر 8ـی بەیانی ئەمڕۆ تا کاتژمێر 2ـی پاشنیوەڕۆ، 21 بریندار گەیێنراوەنەتە نەخۆشخانەی فریاکەوتنی شار، هاوکات لەم ڕووداوانە دوو کەسیش گیانیان لەدەستداوە.

زانیاریی زیاتر: لەو 21 بریندارەی گەیێنراونەتە نەخۆشخانە 13 حاڵەتییان ڕووداوی هاتووچۆی ئۆتۆمبێل و هەشت حاڵەتیشیان ڕووداوی ماتۆڕسکیل بوون.

لە  لایەکی دیکەوە: ئاڤا بەدواداچوونی کردووە بۆ ڕووداوەکانی هاتووچۆی ئەمڕۆ، یەکەم ڕۆژی جەژن لە هەولێر و دهۆک، بەڵام لایەنی پەیوەندیدار دەڵێن، ژمارەیەک ڕووداوی هاتووچۆ تۆمار کراون، بەڵام تا کۆتایی جەژن نایانخەینە ڕوو.