دهۆک.. هەر کەسێک هەوڵی تێکدانی یاریی دهۆک و زاخۆی دابێت ڕووبەڕووی یاسا دەکرێتەوە

ئاڤا نیوز

 

پۆلیسی دهۆک لە بارەی یاریی نێوان دهۆک و زاخۆ لە خولی ئەستێرەکانی عێراق ڕوونکردنەوەیەک بڵاو دەکاتەوە و ڕایدەگەیێنێت: هەر کەسێک هەوڵی تێکدانی یاریی دهۆک و زاخۆی دابێت ڕووبەڕووی یاسا دەکرێتەوە.

 

چیرۆکی سەرەکی: کاتژمێر 9:15ی شەوی ڕابردوو یانەکانی دهۆک و زاخۆ لە خولی ئەستێرەکانی عێراق بە یەک گەیشتن، دهۆک لە دوایین خولەکەکانی یارییەکە گۆڵی بردنەوەی لە زاخۆ کرد و یارییەکە بە ئەنجامی یەک بە سفر لە بەرژەوەندی دهۆک کۆتاییهات.

 

ڕاگەیینراوی فەرمی: بەڕێوەبەرایەتیی پۆلیسی دهۆک ڕایگەیاند: چەند کەسێک دوور لە گیانی وەرزشی هەوڵی تیکدان و ئالۆزکردنی یارییەکە و نێوان جەماوەی هەردوو یانەیان داوە.

 

-هەر کەسیک بە هەڵوێستیک یان ڕەفتارێک هەوڵی تێکدانی یارییەکەی دابێت ڕووبەڕوی یاسا دەکرێتەوە.
-لە سۆشیاڵ میدیا وشەی نەشیاو و سووکایەتیی بەکارهێنراوە.
- خواستی ئەوان ئەوەیە ڕەوشەکە بەرە ئاقارێکی نادیار ببەن.
-بە هەموو شێوەیەک ڕێگرییان لی دەکرێت.
-بەدواداچوونمان دەستپێکردووە و هەنگاوی یاساییانە بەرامبەریان دەگرینە بەر.